Ha, talabalar o’qishni tamomlagach, avtomatik tarzda USM Bitiruvchilar Assotsatsiyasining a’zosi sanaladilar. Ushbu tarmoq turli mamlakatlar va sohalarda faoliyat yurituvchi mutaxassislarni o‘z ichiga oladi va bitiruvchilarga doimiy professional aloqalar o‘rnatish imkoniyatini yaratadi.

Ushbu dastur masofaviy o‘qitish shaklida (ODL) tashkil etilgan bo‘lib, bu tizim talabalar uchun Yer sharining istalgan nuqtasidan turib o’qish imkoniyatini yaratadi. Ishtirokchilar USMning maxsus ODL o‘quv boshqaruv platformasidan to‘liq foydalanishlari mumkin. Unda ma’ruza slaydlari, amaliy resurslar, oldindan yozib olingan interaktiv dars videolari kabi turli xil o‘quv materiallari yuklangan. Jonli mashg‘ulotlarda qatnasha olmagan talabalar uchun barcha interaktiv darslar yozib olinadi va mustaqil tarzda o‘zlashtirish uchun taqdim etiladi. Bu esa talabalarga o‘zlariga qulay vaqtda, ta’lim sifatiga putur yetkazmagan holda, ta’lim olish imkonini yaratadi.

Mazkur dasturda guruhlar hajmi qat’iy cheklanmagan bo‘lsa-da, biroq onlayn ta’lim sifatini ta’minlash maqsadida MQAning (Malayziya Malaka Agentligi) me’yor va standartlariga amal qilinadi. USM (Universiti Sains Malaysia) o‘quv jarayonining individuallashtirilgan va qiziqarli bo‘lishini ta’minlash maqsadida: interaktiv onlayn mashg‘ulotlar, maxsus akademik ko’mak, mustaqil foydalaniladigan materiallar va tengqurlar bilan hamkorlik imkoniyatlarini taqdim etadi.

Ha, ushbu dastur doirasida topshiriqlar va imtihonlar to‘liq onlayn tarzda universitetning masofaviy ta’lim (ODL) platformasi va ExamOnline tizimi orqali o‘tkaziladi. Bu jarayon MQAning (Malayziya Malaka Agentligi) ko‘rsatmalari va oliygohning raqamli ta’lim siyosatiga muvofiq tarzda amalga oshiriladi.

Dastur doirasida an’anaviy bitiruv malakaviy ishi yoki amaliyot o‘tash talabi mavjud emas. Biroq, barcha talabalar majburiy tarzda Field Based Project (6 kredit) loyiha ishini topshirishlari lozim. Bu fan amaliy yo‘nalishga ega bo‘lib, talabalar uchun tadqiqot va muammoga asoslangan bitiruv loyihasi (capstone project) sifatida xizmat qiladi.

Hech qanday farq yo‘q, oflayn va onlayn o‘qiganlarga bir xil diplom beriladi, diplomda ta’lim shakli ko‘rsatilmaydi.

Ha, Ochiq va masofaviy ta’lim (ODL) shaklida taqdim etilayotgan Professional boshqaruv magistratura dasturi (MPM) Malayziya Malaka Agentligi (MQA) tomonidan MQA/SWA16888 raqami ostida rasman akkreditatsiyadan o‘tgan va dastur diplomi Malayziyada va xalqaro darajada tan olinadi.

Ha, ushbu magistrlik dasturi odatda PhD yoki DBA (Biznes boshqaruvi) dasturlariga qabul qilinish uchun zarur bo‘lgan malaka sifatida tan olinadi. Mahalliy va xalqaro darajadagi ko‘plab universitetlar tomonidan ushbu daraja tan olingan, shu bilan birga qabul uchun talab etiladigan aniq shartlar doktorantura dasturini taklif etayotgan muassasaning qoidalariga bog‘liq bo‘ladi.

Ha, masofaviy ta’lim shaklida o‘qiyotgan talabalar uchun kasbiy rivojlanishni qo‘llab-quvvatlovchi xizmatlar mavjud. Ushbu xizmatlar maxsus tayinlangan dastur koordinatori orqali amalga oshiriladi. Koordinator talabalar uchun zarurat tug‘ilganda ta’lim yo‘nalishini aniqlash, malaka oshirish va karyera tanlash bo'yicha qaror qabul qilishda zarur maslahatlar beradi.

Universiti Sains Malaysia (USM) tomonidan taklif etilayotgan Professional Boshqaruv Magistratura dasturi (MPM) bitiruvchilarni turli sohalarda kasbiy o‘sish va rivojlanish uchun zarur bo‘lgan boshqaruv hamda yetakchilik ko‘nikmalari bilan ta’minlashga yo‘naltirilgan. Dastur bitiruvchilari odatda boshqaruv ko‘nikmalaridan samarali foydalanishni talab qiluvchi quyidagi sohalarda faoliyat olib boradilar: bank va moliya, sanoat, telekommunikatsiya, davlat va ijtimoiy ta’minot sektori, sog‘liqni saqlash, logistika va ta’minot zanjiri, axborot texnologiyalari hamda elektron tijorat. Ushbu sohalarda USM bitiruvchilari qarorlarni qabul qilishda muhim rol o‘ynaydilar.

MPM dasturi bitiruvchilarning kasbiy faoliyat trayektoriyasini yuksaltirishni maqsad qilgan va ularni zamonaviy va o‘zgaruvchan biznes muhitida boshqaruv va yetakchilik lavozimlariga tayyorlaydi. Dastur yakunlangandan besh yil o‘tib, bitiruvchilar ko‘pincha o‘rta va yuqori darajadagi rahbarlik lavozimlarini egallaydilar hamda strategik qarorlarni qabul qilish doiralarida faoliyat yuritadilar: yuqori boshqaruv va yetakchilik lavozimlari, maxsus konsalting xizmatlari, shaxsiy biznes.

Professional Menejment magistratura dasturiga (MPM) qabul qilinish uchun maxsus akademik yoki professional talablar mavjud emas. Dastur turli akademik va professional tajribaga ega bo‘lgan, jumladan, ilgari biznes boshqaruvi yoki menejment sohasida tajribasi bo‘lmagan nomzodlar uchun ham ochiqdir. Ushbu dastur talabalarni biznes va tashkilotlarni boshqarish sohasiga muvaffaqiyatli integratsiyalashishlari uchun zarur bo‘lgan bilim va ko‘nikmalar bilan ta’minlashni maqsad qiladi.

Ha, ushbu dastur boshqaruv yoki biznes bo‘yicha tayyorgarlikka ega bo‘lmagan, lekin texnik, miqdoriy yoki soha xususiyatiga oid yo‘nalishlarda faoliyat yuritayotgan mutaxassislar uchun ham mos. Dastur orqali ular biznes va tashkilot muhitida menejment va yetakchilik ko‘nikmalarini qo‘llash ko‘nikmalariga ega bo‘ladilar.

Hozirda bu turdagi moliyaviy ko’mak yoki stipendiyalar mavjud emas. Biroq, O’zbekiston fuqarolari uchun alohida narx siyosati yuritiladi.

Ha, ushbu dasturga qabul qilingan talabalar shaxsiy, kasbiy yoki tibbiy sabablarga ko‘ra o‘qishni vaqtincha to‘xtatish (akademik tanaffus olish) yoki keyinga qoldirish huquqiga egadirlar. Bu holat universitet ma’muriyati bilan maslahatlashgan holda amalga oshiriladi.

Ha, USM talabalarga ruhiy salomatlikni qo‘llab-quvvatlash xizmatlarini bepul va maxfiy tarzda taklif etadi. Bu xizmatlar qatoriga oldindan kelishilgan maslahat seanslari va Pusat Sejahtera USM 24/7 faol telefon liniyasi kiradi. Shuningdek, universitet masofaviy o‘qitish tizimi (LMS) va platformalarga oid texnik masalalarda yordam ko‘rsatadi. Yuqori sifatli ta’limni ta’minlash maqsadida USM professor-o‘qituvchilarga interaktiv o‘qitish, jozibali kontent yaratish va qulay texnologik vositalardan foydalanish ko’nikmalarini shakllantirishga ko’maklashadi.

USM keng xalqaro hamkorlarga ega bo‘lib, talabalar uchun qo‘shma dasturlar, almashinuv loyihalari va transchegaraviy o‘quv imkoniyatlarini taqdim etadi. Universitetning International Mobility & Collaboration Centre (IMCC) markazi AIMS, AUN, Erasmus kabi ta’lim tarmoqlari bilan 150 dan ortiq faol xalqaro hamkorlik aloqalarini amalga oshirmoqda. Bu esa talabalar uchun almashinuv dasturlari yoki qo‘shma diplom olish imkoniyatlarini ochadi.